காசி தமிழ் சங்கமத்தின் மூன்றாம் பதிப்பு வரும், 15ம் தேதி துவங்குகிறது. உத்திரபிரதேசத்தின் வாரணாசியில், 10 நாட்கள் நடக்க உள்ளதாக தெரிவிக்கப்பட்டுள்ளது. இதை முன்னிட்டு கோவை - பனாரஸ் இடையே சிறப்பு ரயிலை இயக்குவதாக, தெற்கு ரயில்வே அறிவித்துள்ளது.

அதன்படி, கோவை - பனாரஸ்(06187) சிறப்பு ரயில், கோவையிலிருந்து வரும், 16 ம் தேதி காலை 6:35 மணிக்கு புறப்பட்டு, 18 ம் தேதி காலை 7:15 மணிக்கு பனாரஸ் சென்றடையும். அதேபோல், பனாரஸ் - கோவை(06188) சிறப்பு ரயில் பனாரஸில் இருந்து 22 ம் தேதி அதிகாலை 2:00 மணிக்கு புறப்பட்டு, 24ம் தேதி காலை 9:30 மணிக்கு கோவை வந்தடையும்.

ஏ.சி., மூன்றடுக்கு, மூன்றடுக்கு(எகானமி), படுக்கை வசதி பெட்டிகள் இணைக்கப்பட்டிருக்கும்.

திருப்பூர், ஈரோடு, சேலம், ஜோலார்பேட்டை, காட்பாடி, அரக்கோணம், திருவள்ளூர், பெரம்பூர், நெல்லுார், ஓங்கோல், விஜயவாடா, வாராங்கல் உள்ளிட்ட பல்வேறு ரயில்வே ஸ்டேஷன்களில் ரயில் நின்று செல்லும்.