சூலூர் அடுத்த தேவராயன்பாளையத்தில் உள்ள விநாயகர் கோவில், ஸ்ரீ வேணு கோபால கிருஷ்ண சுவாமி கோவில் பழமையானவை. இங்கு, நான்காம் ஆண்டு விழா நேற்று காலை நடந்தது. 8:00 மணிக்கு விநாயகர் கோவிலில் ஆண்டு விழா ஹோமம் நடந்தது. தொடர்ந்து, விநாயகருக்கு அபிஷேக, அலங்கார பூஜைகள் நடந்தன.

தொடர்ந்து, காலை,10:00 மணிக்கு, ஸ்ரீ ருக்மணி சத்தியபாமா சமேத ஸ்ரீ வேணுகோபால கிருஷ்ண சுவாமி கோவிலில், சிறப்பு ஹோமம் நடந்தது. தொடர்ந்து, பல்வேறு திரவியங்களால், பெருமாளுக்கு திருமஞ்சனம் நடந்தது. சிறப்பு அலங்காரத்தில் பெருமாள் மக்களுக்கு அருள்பாலித்தார். சுற்றுவட்டாரத்தை சேர்ந்த ஏராளமான பக்தர்கள் பங்கேற்று வழிபட்டனர்.