தமிழக முதலமைச்சரின் சிறப்புத் திட்டமான உங்களுடன் ஸ்டாலின் திட்ட முகாம் மேட்டுப்பாளையம் நகராட்சி பகுதியில் உள்ள 33 வார்டுகளில் பல்வேறு கட்டங்களாக நடைபெற உள்ளன.

இதன் ஒருபகுதியாக நேற்று, நகராட்சியின் 2, 3 மற்றும் 13 ஆகிய வார்டுகளுக்கு, மேட்டுப்பாளையம் சிறுமுகை சாலையில் அமைந்துள்ள நஞ்சையா லிங்கம்மாள் திருமண மண்டபத்தில் முகாம் நடைபெற்றது. நகராட்சி தலைவர் மெஹரிபா பர்வின் தலைமை வகித்தார். தாசில்தார் ராம்ராஜ், நகராட்சி கமிஷனர் அமுதா முன்னிலை வகித்தனர். மருத்துவ முகாமும் இதில் நடத்தப்பட்டன. மேலும், நகர்ப்புறப் பகுதியின் 13 அரசுத் துறைகளின், 43 சேவைகள் முகாமில் கலந்து கொண்டன. இம்முகாமில், மகளிர் உரிமைத் தொகை விண்ணப்பிக்க பெண்கள் ஆர்வம் காட்டினர்.-