'நாக் அவுட்' முறையிலான போட்டிகளை அடுத்து 'லீக்' முறையில் போட்டிகள் இடம்பெற்றன. மாணவர்கள் பிரிவில், கோவை மாவட்ட அணி, 108-98 என்ற புள்ளிகளில் தேனி மாவட்ட அணியை வென்றது. திருவள்ளூர் அணி, 83-80 என்ற புள்ளிகளில், சென்னை அணியை வென்றது.

தொடர்ந்து, சென்னை அணி, 97-87 என்ற புள்ளிகளில் கோவை அணியையும், திருவள்ளூர் அணி, 64-56 என்ற புள்ளிகளில் தேனி அணியையும், தேனி அணி, 83-73 என்ற புள்ளிகளில் சென்னை அணியையும், கோவை அணி, 97-96 என்ற புள்ளிகளில் திருவள்ளூர் அணியையும் வென்றன. தொடர்ந்து நடந்த போட்டிகளின் நிறைவில், கோவை, திருவள்ளூர், தேனி, சென்னை ஆகிய அணிகள், முதல் நான்கு இடங்களை பிடித்தன.

மாணவியருக்கான 'லீக்' போட்டியில், துாத்துக்குடி அணி, 73-63 என்ற புள்ளிகளில் சென்னை அணியை வென்றது.

கோவை அணி, 71-58 என்ற புள்ளிகளில் சேலம் அணியையும், துாத்துக்குடி அணி, 79-42 என்ற புள்ளிகளில் சேலம் அணியையும், சென்னை அணி, 73-61 என்ற புள்ளிகளில் கோவை அணியையும், கோவை அணி, 68-65 என்ற புள்ளிகளில் துாத்துக்குடி அணியையும், சென்னை அணி, 66-49 என்ற புள்ளிகளில், சேலம் அணியையும் வென்றன.

தொடர்ந்து நடந்த போட்டிகளின் நிறைவில், துாத்துக்குடி, சென்னை, கோவை, சேல ம் ஆகிய அணிகள் முதல் நான்கு இடங்களை பிடித்தன. வெற்றி பெற்ற அணிகளுக்கு, பரிசுகள் வழங்கப்பட்டன.