வால்பாறை அடுத்துள்ள நடுமலை எஸ்டேட் வடக்கு டிவிஷனில் உள்ள, துண்டுக்கருப்பராய சுவாமி, மகாமுனீஸ்வரர், உச்சிகாளியம்மன் திருக்கோவிலின், 141ம் ஆண்டு திருவிழா கடந்த, 22ம் தேதி கொடியேற்றத்துடன் துவங்கியது.

நேற்று முன்தினம் இரவு, 10:00 மணிக்கு நடுமலை தெற்கு பிரிவு கணபதி கோவிலில் பூஜை, நெய்வேத்தியம் நடந்தது. நள்ளிரவு, 1:00 மணிக்கு குதிரை வாகனத்தில் எழுந்தருளிய துண்டுக்கருப்பராய சுவாமியை,அதிகாலையில் பக்தர்கள் அழைத்து வந்தனர்.

நேற்று காலை, 9:00 மணிக்கு துண்டுக்கருப்பராயர், மகாமுனீஸ்வரர் சுவாமிக்கு, பொங்கல்பூஜை, நெய்வேத்தியம் நடந்தது. மதியம், 12:00 மணிக்கு சூலுார் மற்றும் கொளப்பலுார் பூசாரிகள் தலைமையில், உச்சிகால பூஜை மற்றும் கிடாவெட்டுதல் நிகழ்ச்சி நடந்து.

தொடர்ந்து நடந்த அன்னதான விழாவை, வால்பாறை எம்.எல்.ஏ., அமுல்கந்தசாமி, ஏ.டி.பி., தொழிற்சங்க மாநிலத்தலைவர் அமீது, அ.தி.மு.க., நகர செயலாளர் மயில்கணேஷ் ஆகியோர் துவக்கி வைத்தனர்.