அதிர்ச்சியடைந்த ஊழியர்கள், உடனடியாக மத்திய தொழிலக பாதுகாப்பு படை அதிகாரிகளுக்கு தகவல் தெரிவித்தனர். தொடர்ந்து, விமானத்தில் இருந்த பயணியர் அனைவரும், பாதுகாப்பு கருதி உடனடியாக விமானத்தில் இருந்து இறக்கப்பட்டனர்.

இந்த விமானத்தில் தமிழக அமைச்சர் சக்கரபாணி, உயர் நீதிமன்ற நீதிபதி இளந்திரையன் ஆகியோரும் இருந்தனர். அவர்களும் பாதுகாப்பாக அழைத்துச் செல்லப்பட்டனர். அதன் பின், விமான நிலையத்தில் இருந்த அனைத்து பயணியரும், மீண்டும் சோதனைக்கு உட்படுத்தப்பட்டனர்.

விமானத்தையும் மத்திய தொழிலக பாதுகாப்பு படை அதிகாரிகள் சோதனையிட்டனர். சோதனையில் அது வதந்தி என்பது தெரியவந்ததை தொடர்ந்து, விமானம் தாமதமாக சென்னை புறப்பட்டு சென்றது. போலீசார் அந்த துண்டு சீட்டை எழுதி போட்டது யார் என, விசாரிக்கின்றனர்.