இந்துஸ்தான் கல்வி நிறுவனம் மற்றும் அறக்கட்டளை நிர்வாக அறங்காவலர் சரஸ்வதி கண்ணையன் துவக்கி வைத்து பேசுகையில், ''இளமை, புத்திசாலித்தனம் மற்றும் எல்லையற்ற புதுமையின் பிரகாசமான கொண்டாட்டமாக இந்நிகழ்வு உள்ளது. நிலையான எதிர்காலத்தை வடிவமைக்கும் வகையில் மாணவர்களின் படைப்புகள் மன தைத் துாண்டுவதாக அமைந்துள்ளன,'' என்றார்.

தமிழ்நாடு அறிவியல் இயக்கத்தின் தலைவர் ரமணி பேசுகையில், ''தமிழ்நாடு முழுவதும் உள்ள மாணவர்களின் அறிவியல் திறமைகளை வளர்ப்பதற்கான இந்த ஒத்துழைப்பு மற்றும் அர்ப்பணிப்பு உணர்வு பாராட்டுக்குரியது,'' என்றார்.

நிகழ்ச்சியில், முதன்மை கல்வி அலுவலர் பாலமுரளி, இந்துஸ்தான் கலை மற்றும் அறிவியல் கல்லுாரி முதல்வர் பொன்னுசாமி, ஆசிரியர்கள் உள்ளிட்ட பலர் பங்கேற்றனர்.