புனித வெள்ளிக்கிழமையொட்டி தொடர் விடுமுறையில், வால்பாறையின் இயற்கை அழகை கண்டு ரசிக்க ஆயிரக்கணக்கான சுற்றுலாபயணியர் திரண்டுள்ளனர்.

அவர்களின் வருகையால் அட்டகட்டி இருவாச்சிப்பறவை வியூ பாயிண்ட், ஆர்க்கிட்டோரியம், சக்தி - தலனார் செல்லும் ரோட்டில் உள்ள வியூ பாயிண்ட், சிறுகுன்றா கூழாங்கல் ஆறு, நல்லமுடி காட்சி முனை, சோலையாறு அணை, அட்டகட்டி ஆர்கிட்டோரியம் உள்ளிட்ட சுற்றுலா ஸ்தலங்களில், சுற்றுலாபயணியர் கூட்டம் அதிக அளவில் காணப்படுகிறது.

அவர்கள் ஆழியாறு வழியாக வால்பாறை வரும் மலைப்பாதையில், வரையாடு, சிங்கவால்குரங்குகள், யானைகள், காட்டுமாடு உள்ளிட்ட வனவிலங்குகளை நேரில் கண்டு ரசிக்கின்றனர்.

மேலும் வால்பாறை அடுத்துள்ள சிறுகுன்றா கூழாங்கல் ஆற்றில் குளித்த சுற்றுலாபயணியர், பூங்கா, படகு சவாரியையும் கண்டு ரசித்தனர்.

சமவெளிப்பகுதியில் வெயில் கொளுத்தும் நிலையில், வால்பாறை பகுதியில் கோடை மழைக்கு மத்தியில், லேசான குளிருடன், ரம்யமான சிதோஷ்ணநிலை நிலவுகிறது.

சுற்றுலாபயணியர் வருகையால், வால்பாறையில் தங்கும் விடுதிகள் அனைத்தும் நிரம்பியுள்ளன.