நேற்றுக்காலை மாகாளியம்மன் கோவிலில் கிராம தேவதை வழிபாடு நடந்தது. மாலையில் கிராம சாந்தி பூஜை நடந்தது. இதில் குமாரபாளையம், ஆலாம்பாளையம் மற்றும் அன்னூர் சுற்றுவட்டாரத்தைச் சேர்ந்த திரளான பக்தர்கள் பங்கேற்றனர். இன்று காலை 8:00 மணிக்கு கணபதி பூஜை மற்றும் கொடியேற்றம் நடக்கிறது. மாலையில், யாகசாலை பூஜையும், சுவாமி உட்பிரகார உலாவும் நடக்கிறது.

வருகிற 23ம் தேதி காலை யாகசாலை பூஜை நடக்கிறது. மாலை 5:00 மணிக்கு சுவாமி திருக்கல்யாண உற்சவமும், யானை வாகனத்தில் சாமி உலாவருதலும் நடக்கிறது. வரும் 24ம் தேதி காலை 10:30 மணிக்கு மோள காளிபாளையம் பாலமுருகன் குழுவின் காவடி ஆட்டத்துடன் தேரோட்டம் துவங்குகிறது. சிரவை ஆதினம், குமரகுருபர சுவாமிகள் வடம் பிடித்து தேரோட்டத்தை துவக்கி வைக்கிறார். இரவு பவளக்கொடி கும்மியாட்டம் நடக்கிறது. வரும் 25ம் தேதி இரவு 7:00 மணிக்கு பரிவேட்டை, கும்மியாட்டம், தெப்போற்சவம் நடக்கிறது.