UPDATED : ஆக 31, 2026 07:33 PM
ADDED : ஆக 31, 2026 06:51 PM
கிணத்துக்கடவு: கிணத்துக்கடவு, தினசரி மார்க்கெட்டில் காய்கறி வரத்து குறைந்த நிலையில், தக்காளி விலை உயர்ந்துள்ளது.
கிணத்துக்கடவு, தினசரி காய்கறி மார்க்கெட்டில் நேற்று தக்காளி (15 கிலோ பெட்டி) - 400 ரூபாய், தேங்காய் (ஒன்று) - - 30, கத்திரிக்காய் கிலோ - 57, முருங்கைக்காய் --- 30, வெண்டைக்காய் --- 40, முள்ளங்கி --- 18, பூசணிக்காய் -- 10, அரசாணிக்காய் -- 12, பாகற்காய் ----- 40, புடலை --- 22, சுரைக்காய் --- 22, பீர்க்கங்காய் --- 50, வெள்ளரிக்காய் --- 30, அவரைக்காய் --- 65, பீட்ரூட் --- 38, மற்றும் பச்சை மிளகாய் --- 40 ரூபாய்க்கு விற்பனையானது.
கடந்த வாரத்தை காட்டிலும், தக்காளி (15 கிலோ) --- 200, கத்திரிக்காய் கிலோ - 7, முருங்கைக்காய் --- 5, பாகற்காய் -- 15 வெள்ளரிக்காய் -- 10 அவரைக்காய் -- 5 மற்றும் பீட்ரூட் --- 3 ரூபாய் விலை அதிகரித்துள்ளது.
இதே போன்று, வெண்டைக்காய் --- 25, முள்ளங்கி --- 5, அரசாணிக்காய் --- 8, புடலை --- 13, சுரைக்காய் --- 12, பீர்க்கங்காய் மற்றும் பச்சை மிளகாய் --- 10 ரூபாய் விலை குறைந்துள்ளது.
வியாபாரிகள் கூறுகையில், 'மார்க்கெட்டில் கடந்த இரண்டு வாரங்களாக காய்கறி வரத்து குறைந்து காணப்பட்டது. நேற்றும் ஒவ்வொரு காய்கறியிலும், தலா, 150 கிலோ வரை வரத்து குறைவாக இருந்தது. வரும் நாட்களில் வரத்து உயரும் என, எதிர்பார்க்கப்படுகிறது,' என்றனர்.
