பட்டா மாறுதல் பரிந்துரை தர கிராம நிர்வாக அலுவலர்களுக்கு அனுமதி அளிக்கப்பட்ட உத்தரவை உடனே நடைமுறைப்படுத்த வேண்டும், என்பது உள்ளிட்ட கோரிக்கைகளை வலியுறுத்தி, தமிழ்நாடு கிராம நிர்வாக அலுவலர்கள் சங்கம் சார்பில், அன்னுார் தாலுகா அலுவலக வளாகத்தில் ஆர்ப்பாட்டம் நடந்தது.

சங்கத்தின் மாவட்ட துணைச் செயலாளர் அறிவுடை நம்பி தலைமை வகித்து கோரிக்கைகள் குறித்து பேசினார். தாலுகா தலைவர் குமரன், செயலாளர் பாலச்சந்திரன் உள்பட பலர் பங்கேற்றனர்.