பல ஆண்டுகளாக ஓடை துார்வாரப்படாததால் செடி, கொடிகள் வளர்ந்துள்ளன.

இந்நகரின் ஒன்பதாவது வீதியின் இறுதியில் உள்ள கோவில் வரை சிமென்ட் குழாய் பதிக்கப்பட்டுள்ளது.

இதன் தொடர்ச்சியாக குழாய் பதிக்கப்படவில்லை. சிறிது தொலைவுக்கு ஓடையையே காணவில்லை. பின், மீண்டும் ஓடை காணப்படுகிறது. இங்கு கழிவு நீர் தேங்கி, துர்நாற்றம் வருவதால், மக்கள் அவதிப்படுகின்றனர். ஓடையை முழுமையாக துார்வாரி, கழிவுநீர் செல்ல மாநகராட்சி நிர்வாகம் நடவடிக்கை எடுக்க வேண்டும் என்கிற கோரிக்கை எழுந்துள்ளது.

அப்பகுதி மக்கள் கூறுகையில், 'ஓடையில் தேங்கியுள்ள கழிவுநீரில், ஒரு மாடு சிக்கி இறந்ததுதான் மிச்சம், போர்வெல் தண்ணீர் மஞ்சளாக மாறி விட்டது. வரி மட்டும் கரெக்டா வாங்கிடுறாங்க' என்றனர்.