தமிழகத்தில் சட்டசபை மற்றும் ஊரக உள்ளாட்சி தேர்தல் விரைவில் நடக்க உள்ளது. இதற்காக, முக்கிய அரசியல் கட்சிகள் தேர்தல் பணிகளை துவக்கி உள்ளன. தேர்தல் கமிஷனும் வாக்காளர் சேர்ப்பு முகாம், வரைவு வாக்காளர் பட்டியல் வெளியீடு உள்ளிட்ட பணிகளை மேற்கொண்டுள்ளது.

சூலுார் தொகுதிக்கான வரைவு வாக்காளர் பட்டியல் கடந்த ஆண்டு அக்., 29 ம்தேதி வெளியிடப்பட்டது.

பட்டியலில் பெயர் சேர்த்தல், நீக்கல், திருத்தம் உள்ளிட்ட பணிகள் நடந்து முடிந்து, கடந்த, 6 ம்தேதி இறுதி வாக்காளர் பட்டியல் வெளியிடப்பட்டது.

சூலுார் சட்டசபை தொகுதியில், ஆண் வாக்காளர்களை விட, பெண் வாக்காளர்கள் அதிகம் உள்ளனர். இளம் வாக்காளர்கள் அதிகளவில் சேர்க்கப்பட்டிருந்தனர்.

1 லட்சத்து, 52 ஆயிரத்து, 86 ஆண்கள், 1 லட்சத்து, 72 ஆயிரத்து, 126 பெண்கள், 99 மூன்றாம் பாலினத்தவர் என, மொத்தம், 3 லட்சத்து, 34 ஆயிரத்து, 311 பேர் வாக்காளர் பட்டியலில் உள்ளனர்.

வயது வாரியான வாக்காளர் பற்றிய விபரம் தற்போது வெளியாகி உள்ளது. சூலுார் தொகுதியில் ஆண்களை விட, 10 ஆயிரத்து, 40 பெண் வாக்காளர்கள் அதிகம் உள்ளனர்.

1976 முதல், 85 வரை பிறந்த, 40 முதல், 49 வயது வரை உள்ள நடுத்தர வயதினர் அதிகமாக உள்ளனர். 30 முதல், 39 வயதுடைய வாக்காளர்கள் அதற்கு அடுத்தபடியாக அதிகளவில் உள்ளனர்.

முதல் முறை வாக்களிக்கும் வாக்காளர்கள், 18 மற்றும் 19 வயதுடைய வாக்காளர்கள், 6 ஆயிரத்து,11 பேர் இடம் பெற்றுள்ளனர். 20 முதல், 29 வயதுடைய வாக்காளர்கள், 54 ஆயிரத்து,344 பேர் உள்ளனர்.

30 முதல், 39 வயதுடைய வாக்காளர்கள், 66 ஆயிரத்து, 389 பேரும் உள்ளனர். 40 முதல், 49 வயதுடைய வாக்காளர்கள் தான் மிக அதிகளவில் ஆதிக்கம் செலுத்துகின்றனர்.

36ஆயிரத்து, 614 ஆண்கள், 38 ஆயிரத்து 815பெண்கள், 10 மூன்றாம் பாலினத்தவர் என, 75 ஆயிரத்து, 439 பேர் உள்ளனர்.

50 முதல், 59 வயதுடைய வாக்காளர்கள், 64 ஆயிரம் பேரும், 60 முதல், 69 வயதுடைய வாக்காளர்கள்,39 ஆயிரத்து, 894 பேரும், 70 முதல், 79 வயதுடைய வாக்காளர்கள், 20 ஆயிரத்து, 801பேரும் உள்ளனர்.

80 முதல், 89 வயதுடைய வாக்காளர்கள், 6 ஆயிரத்து, 437 பேரும், 90 முதல், 99 வயதுடைய வாக்காளர்கள், 971 பேரும், 100 முதல், 109 வயதுடைய வாக்காளர்கள், 22 பேரும், 110 முதல், 119 வரையுள்ள வாக்காளர் ஒருவரும் உள்ளனர். 120 வயதுடையவர்கள் இருவர் உள்ளனர்.

மொத்தத்தில், 20 முதல், 69 வயதுடைய வாக்காளர்கள் மட்டும், 2 லட்சத்து, 70 ஆயிரம் பேருக்கும் மேல் உள்ளனர்.