நேற்று முன்தினம் வரப்பாளையம் வாத்தியார் தோட்டத்திற்குள் காட்டு யானை நுழைய முயன்றது. அப்போது அந்த வழியாக வந்த தோட்ட உரிமையாளர் ஜீவானந்தம் யானை இருந்தது தெரியாமல் டார்ச் லைட் அடித்தார். யானை அவரை துரத்தியது. அதிர்ஷ்டவசமாக தப்பி ஓடினார். இக்காட்சிகள் அதே பகுதியில் உள்ள 'சிசிடிவி' கேமராவில் பதிவாகியுள்ளது. இதேபோல பன்னிமடை அருகே தாளியூர் வீட்டின் முன்பு நின்ற யானை, அங்கிருந்த பொருட்களை சேதப்படுத்திவிட்டு சென்றது. கடந்த சில நாட்களாக சின்னதடாகம் வட்டாரத்தில் காட்டு யானைகளின் வரவால், பொதுமக்கள் பீதி அடைந்துள்ளனர்.