நேற்று திட்டக்குடி தொகுதிக்குட்பட்ட திட்டக்குடி, ஆவினங்குடி, ராமநத்தம், ஆவட்டி பகுதியில் டாஸ்மாக் சரக்கு விற்பனை அமோகமாக இருந்தது. ரூ.145 விலையுள்ள குவார்ட்டர் பாட்டில் ரூ.250 வரை காலையில் விற்றது. மதியத்திற்கு மேல் அது ரூ.300, ரூ.350, ரூ.400 என விலை ஏறிக்கொண்டே இருந்தது.

பணப்பட்டுவாடா இல்லாததால் ஒரு குவார்ட்டராவது வாங்கிவிட வேண்டும் என கள்ளச்சந்தையில் மது விற்ற பகுதிகளில் சுற்றிவந்தனர். தெரிந்த அரசியல்கட்சி பிரமுகர்கள், ஓட்டுச்சாவடி பொறுப்பாளர்கள் என எல்லோரிடமும் கெஞ்சி கூத்தாடியும் ஒரு குவார்ட்டருக்குரிய தொகையைக் கூட பெற முடியாமல் திண்டாடினர்.

இதனால் தேர்தல் தொடர்பாக ஏற்படும் வாக்குவாதங்கள் கூட இல்லாமல் அமைதியாக தேர்தல் முடிந்தது. அரசியல் கட்சிகள் ஓட்டுக்கு பணம் கொடுக்காதது, யாருக்கு பிரயோஜனமோ, இல்லையே நம்முடைய பணிகள் சிறப்பாகவே முடிந்தது என போலீசார் மகிழ்ச்சியுடன் நிம்மதி பெருமூச்சு விட்டனர்.