பெண்ணாடத்திலிருந்து ஒன்றிய தலைமையிடமான நல்லுார் வரை, தடம் எண்12 மற்றும் தடம் எண்9 ஆகிய இரு அரசு பஸ்கள் இயக்கப்படுகின்றன. காலை மற்றும் மாலை நேரங்களில் சிறுமங்கலம், எரப்பாவூர், அருகேரி உட்பட பல்வேறு கிராமங்களைச் சேர்ந்த பள்ளி மாணவ, மாணவிகள் இந்த பஸ்களில் ஏறிச்செல்கின்றனர். பெண்ணாடம் பஸ் நிலையத்தில் இறங்கி அங்கிருந்து சுமார் ஒரு கி.மீ., துாரமுள்ள பள்ளிக்கு மாணவிகள் நடந்தே செல்லும் நிலை உள்ளது. எனவே, காலை மற்றும் மாலை நேரங்களில் மாணவிகள் நலன் கருதி அரசு மகளிர் மேல்நிலைப்பள்ளி வரை அரசு பஸ்களை இயக்க வேண்டும் என, போக்குவரத்துக்கழக நிர்வாகத்திற்கு பெற்றோர் கோரிக்கை விடுத்துள்ளனர்.