பெண்ணாடம் அடுத்த சாத்துக்கூடலை சேர்ந்தவர் பாஞ்சாலை. இவர் வீட்டில் பசு மாடுகள் வளர்த்து வருகிறார். நேற்று பகல் 12:00 மணியளவில் அதே பகுதியில் மாடுகளை மேய்ச்சலுக்கு விட்டிருந்தார். அப்போது, பாரி என்பவரது நிலத்தில் அறுந்து கிடந்த மின்கம்பியில், 2 வயதுடைய பசுங்கன்று சிக்கி பரிதாபமாக இறந்தது. தகவலறிந்த வருவாய்த்துறை மற்றும் கருவேப்பிலங்குறிச்சி போலீசார் விசாரிக்கின்றனர்.

இதேபோன்று, பெண்ணாடம் அடுத்த எடையூர் காலனியைச் சேர்ந்தவர் அமிர்தலிங்கம் மனைவி சுமதி என்பவரது மாட்டுக்கொட்டகையில் அமைத்திருந்த மின் ஒயர் அறுந்து விழுந்ததில், மின்சாரம் தாக்கி 9 வயதுடைய பசுங்கன்று இறந்தது.

பெண்ணாடம் போலீசார் விசாரிக்கின்றனர்.