புதுச்சத்திரம் அடுத்த சேந்திரக்கிள்ளை உத்திராபதியார் கோவிலில், ஆண்டு தோறும் சித்திரை மாதம் அமுதுபடையல் விழா நடப்பது வழக்கம். இந்தாண்டு விழா இன்று 26ம் தேதி துவங்குகிறது.

இதனை முன்னிட்டு இன்று மாலை 4:00 மணிக்கு சுவாமிக்கு சிறப்பு அபிஷேக ஆராதனை செய்து, மாலை 6:00 மணிக்கு கொடியேற்றம் மற்றும் காவடி எடுக்கும் பக்தர்களுக்கு காப்பு கட்டும் நிகழ்ச்சிநடக்கிறது.

வரும் 28ம் தேதி காலை 10:00 மணிக்கு உத்திரபதியாருக்கு சிறப்பு அபிஷேக ஆராதனை செய்து, 11.00 மணிக்கு காவடி எடுத்தல், சுவாமி ஊர்வலம் நடக்கிறது. மாலை 6:00 மணிக்கு சீராளன் கறி சமைத்து, அமுது படையல் செய்து பக்தர்களுக்கு அன்னதானம் வழங்கப்படுகிறது.