பரங்கிப்பேட்டை மற்றும் கிள்ளை கடற்கரையோர கிராமங்களான சாமியார்பேட்டை, புதுக்குப்பம், சி.புதுப்பேட்டை, பரங்கிப்பேட்டை, சின்னுார், கிள்ளை, முடசல் ஓடை, கூழையார், பட்டரையடி உட்பட 30க்கும் மேற்பட்ட கிராமங்களை சேர்ந்த மீனவர்கள் பிடித்து வரும் மீன்களை பரங்கிப்பேட்டை அன்னங்கோவில் மற்றும் கிள்ளை முடசல் ஓடை மீன்பிடி இறங்கு தளத்தில் விற்பனை செய்வர்.

மத்தி, அகிலா, சூரை, சுங்கான், கவலை, கனவா, இறால் உள்ளிட்ட மீன்கள் கேரளா, ஆந்திரா உள்ளிட்ட வெளி மாநிலங்களுக்கு அனுப்பி வைக்கப்படும்.

வங்கக் கடலில் உருவாகியுள்ள காற்றழுத்த தாழ்வு பகுதி புயலாக வலுப்பெறும் என்பதால், மீன்பிடிக்க கடலுக்கு செல்ல கூடாது என மீன்வளத்துறை தெரிவித்தது.

அதையெடுத்து, பரங்கிப்பேட்டை மற்றும் கிள்ளை கடற்கரையோர கிராம மீனவர்கள் கடந்த 2 நாட்களாக மீன்டிக்க செல்லவில்லை.

படகுகளை கிள்ளை முடசல் ஓடை மீன் இறங்குதளம் மற்றும் பரங்கிப்பேட்டை அன்னங்கோவில் மீன் இறங்கு தளத்தில், பாதுகாப்பாக நிறுத்தி வைத்துள்ளனர்.

வெளி மாநிலங்களுக்கு மீன் அனுப்புவது நிறுத்தப்பட்டதால், எப்போதும் பிசியாக காணப்படும் பரங்கிப்பேட்டை, கிள்ளை மீன்பிடி இறங்கு தளங்கள் வெறிச்சோடி காணப்படுகிறது.