நெய்வேலி நில ஆர்ஜித சிறப்பு தாலுகா அலுவலகத்தில் நில அளவை துணை ஆய்வாளராக பணிபுரிந்தவர் குணசேகரன். இவர், இதற்கு முன் பண்ருட்டி தாலுகா அலுவலகத்தில் நில அளவை துணை ஆய்வாளராக பணியாற்றிய போது, காடாம்புலியூரில் பட்டா மாறுதலுக்காக 'ஜி-பே'வில் லஞ்சம் பெற்றதாக புகார் எழுந்தது.

இப்புகார் குறித்து அதிகாரிகள் நடத்திய விசாரணையில், குணசேகரன் 'ஜி-பே'வில் பணம் பெற்றது உறுதியானது. அதனைத் தொடர்ந்து, குணசேகரனை, சஸ்பெண்ட் செய்து, நில அளவைத்துறை உதவி இயக்குநர் ஆனந்த் நேற்று உத்தரவிட்டுள்ளார்.