இதுகுறித்து கடலுாரில் கலெக்டர் சிபி ஆதித்யா செந்தில்குமார், எஸ்.பி., ஜெயக்குமாரிடம் கடலுார் அடுத்த நடுக்குப்பம், மேலக்குப்பம், நல்லாத்துார் கிராமங்களை சேர்ந்த அசோக், சுரேஷ், வரதராஜ், சதீஷ்குமார், வீரமணிகண்டன், குமரேசன், அருள், சங்கர் உட்பட பலர் உறவினர்களுடன் திரண்டு வந்து அளித்த மனு:

நல்லாத்துார், நடுக்குப்பம் கிராமங்களில் வசிக்கிறோம். இப்பகுதிகளைச் சேர்ந்த 50க்கும் மேற்பட்டோருக்கு நடுக்குப்பம், மேலக்குப்பம், நல்லாத்துார் கிராமங்களில் சொந்தமாக நிலம் உள்ளது.

இந்த சொத்துக்களை கடந்த 5 தலைமுறையாக அனுபவித்து வருகிறோம்.

இந்நிலையில், பக்கத்து ஊரில் வசிக்கக்கூடிய ஒரு குடும்பத்தினர், ஒரே மாதிரி பெயர் இருந்ததை பயன்படுத்தி முறைகேட்டில் ஈடுபட்டுள்ளனர்.

அதாவது, இந்த சொத்துக்களை துாக்கணாம்பாக்கத்தை சேர்ந்த 5 பேர் சேர்ந்து முறைகேடாக பெயர் மாற்றி வேறு இருவருக்கு 'பவர்' எழுதி ரிஜிஸ்டர் செய்து கொடுத்து மோசடி செய்துள்ளனர். எனவே, எங்களின் சொத்தை மீட்டுத் தர நடவடிக்கை எடுக்க வேண்டும்.

இவ்வாறு மனுவில் கூறப்பட்டுள்ளது.