நடுவீரப்பட்டு சப் இன்ஸ்பெக்டர் ராஜேந்திரன் மற்றும் போலீசார் ரோந்து சென்றனர். அப்போது, வெள்ளக்கரை காலனி அருகே வந்த பி.ஒய் சிசி 1996 பதிவெண் கொண்ட ஸ்கூட்டரை நிறுத்தி சோதனை செய்தனர். அதில், புதுச்சேரியில் இருந்து 3 லிட்டர் சாராயத்தை கடத்தி வந்தது தெரிய வந்தது.

அதன்பேரில் போலீசார் வழக்கு பதிந்து சாராயத்தை கடத்தி வந்த வெள்ளக்கரை காலனியை சேர்ந்த நவநீதகிருஷ்ணன்,55; என்பவரை கைது செய்தனர். மேலும், அவர் கடத்தி வந்த சாராயம் மற்றும் கடத்தலுக்கு பயன்படுத்திய ஸ்கூட்டரையும் பறிமுதல் செய்தனர்.