விருத்தாசலத்தை சேர்ந்தவர் குமார் மகன் சதீஷ். கடலுார் சாலையில் தற்காலிக காய்கறி கடை நடத்தி வருகிறார்.

நேற்று காலை 7:00 மணியளவில், காய்கறி பெட்டிகளை எடுத்தபோது, அதற்குள் கொடிய விஷத்தன்மையுடைய பாம்பு இருந்தது தெரிந்தது.

தகவலறிந்த விருத்தாசலம் தீயணைப்பு நிலைய அலுவலர் சங்கர் தலைமையிலான வீரர்கள் வந்து, 4 அடி நீளமுள்ள கட்டுவிரியன் பாம்பை பத்திரமாக மீட்டனர்.

கவனிக்காமல் பெட்டியை தொட்டிருந்தால், உயிருக்கு ஆபத்தாக முடிந்திருக்கும் என தீயணைப்பு வீரர்கள் எச்சரித்தனர். தொடர்ந்து, கருவேப்பிலங்குறிச்சி காப்புக்காட்டில் பாம்பு பத்திரமாக விடப்பட்டது.