வக்பு வாரிய சட்ட திருத்தம் கொண்டு வந்த மத்திய அரசை கண்டித்து, விருத்தாசலம் ரயில்வே ஜங்ஷனில், வி.சி., கட்சி மைய மாவட்ட செயலாளர் நீதி வள்ளல் தலைமையில் 30க்கும் மேற்பட்டோர், நேற்று மாலை 4:00 மணிக்கு குருவாயூர் ரயிலை மறித்து போராட்டத்தில் ஈடுபட்டனர்.

தகவலறிந்து வந்த விருத்தாசலம் ரயில்வே இருப்பு பாதை போலீசார் மற்றும் விருத்தாசலம் போலீசார், மறியலில் ஈடுபட்ட 22 பேரை கைது செய்து தனியார் மண்டபத்தில் அடைத்தனர்.

இச்சம்பவத்தால், சிறிது நேரம் பரபரப்பு நிலவியது.