இதில், அம்பேத்கர் காலனி பகுதியில், கடந்த சில நாட்களாக ஒகேனக்கல் குடிநீர் வழங்கப் படுவதில்லை என, அப்பகுதி மக்கள் புகார் தெரிவித்து வந்தனர். குடிநீர் இல்லாமல், அவதிப்பட்டு

வந்தனர்.

இந்நிலையில், நேற்று காலை, 10:00 மணியளவில் குடிநீர் கேட்டு பையர்நத்தம், அம்பேத்கர் காலனி பகுதியில், பொம்மிடி -- பாப்பிரெட்டிப்பட்டி ரோட்டில் காலி குடங்களை வைத்து, பொதுமக்கள் சாலை மறியலில் ஈடுபட்டனர். அப்போது, ஊராட்சி மன்ற தலைவர் சாந்தா, பொம்மிடி எஸ்.ஐ., விக்னேஷ் உள்ளிட்ட அதிகாரிகள் பொதுமக்களிடம் பேச்சுவார்த்தை நடத்தினர். இதையடுத்து, 10:30 மணிக்கு பொதுமக்கள் கலைந்து சென்றனர். இதனால் அப்பகுதியில் அரை மணி நேரம் போக்குவரத்து பாதிக்கப்பட்டது.