இந்நிலையில், மாங்காய் அறுவடைக்கு தயாராக இருந்த நிலையில், நேற்று முன்தினம் இரவு முனியப்பன் தோட்டத்திற்குள் புகுந்த ஒற்றை யானை, 30க்கும் மேற்பட்ட மா மரங்கள் மற்றும் தென்னை, வாழை மரங்களை சேதப்படுத்தியது.

இது குறித்து, வனத்துறை அதிகாரிகளுக்கு தகவல் தெரிவித்தும் எந்த நடவடிக்கையும் எடுக்கவில்லை என, அப்பகுதி மக்கள் தெரிவித்தனர்.

யானைகள் வருவதை தடுக்க வன பகுதிகளில் தடுப்பு வேலி, பள்ளம் மற்றும் தண்ணீர் தொட்டி உள்ளிட்டவை இல்லாததால், தினமும் யானைகள் ஊருக்குள் புகுந்து அட்டகாசம் செய்து, பயிர்களை சேதப்படுத்தி வருகிறது. பாதிப்புகளுக்கு தமிழக அரசு உரிய இழப்பீடு வழங்க வேண்டும் என, விவசாயிகள் கோரிக்கை விடுத்துள்ளனர்.