தர்மபுரி உழவர் சந்தையில் நாளொன்றுக்கு, 20 முதல், 25 டன் காய்கறிகள் சராசரியாக விற்பனையாகும். விநாயகர் சதுர்த்தியை முன்னிட்டு, கடந்த, 2 நாளில் காய்கறிகள் மற்றும் பழங்கள் விற்பனை அதிகரித்து காணப்பட்டது. நேற்று முன்தினம் அதிகாலை முதல், 133 விவசாயிகள், 7,750 நுகர்வோர்கள் வந்தனர்.

இதில், 34.98 டன் காய்கறிகள், 3 டன் பழங்கள் மொத்தம், 15.51 லட்சம் ரூபாய்க்கு விற்பனையாகின. நேற்று, 128 விவசாயிகள், 7,674 நுகர்வோர்கள் உழவர் சந்தைக்கு வந்தனர். இதில், 34.71 டன் காய்கறி, 3 டன் பழங்கள் என, 15.38 லட்சம் ரூபாய்க்கு விற்பனையானது. அதன்படி, 2 நாளில், 69.69 டன் காய்கறிகள், 6 டன் பழங்கள் என, 30.89 லட்சம் ரூபாய்க்கு விற்பனை நடந்ததாக, உழவர் சந்தை அலுவலர்கள் தெரிவித்தனர்.