தர்மபுரி மாவட்டம், அதியமான்கோட்டையில், மாநில அளவில் தலைமை ஆசிரியர்களுக்கு அடைவு தேர்வு குறித்த ஆய்வு கூட்டம், அமைச்சர் மகேஷ் தலைமையில் நேற்று நடந்தது.

பின்னர் அவர் நிருபர்களிடம் கூறியதாவது:

நடந்து முடிந்த பொதுத்தேர்வுகளில், தர்மபுரி மாவட்டம் கல்-வியில் முன்னேற்றம் அடைந்துள்ளது. அடைவு தேர்வில், தர்ம-புரி மாவட்டம் பின் தங்கியுள்ளது. இதில், முன்னேற்றம் அடைய மாணவர்கள் புரிந்து கொள்ளும் வகையில், ஆசிரியர்கள் பாடங்களை கற்பிக்க வேண்டும். ஆய்வு கூட்டத்தில், தலைமை ஆசிரியர்களுக்கு அறிவுரை வழங்கியுள்ளோம். அதை முழுமை-யாக உணர்ந்து, தலைமை ஆசிரியர்கள் அவர்களுடைய தரத்தை மேம்படுத்தி கொள்ள வேண்டும்.

தமிழகத்தில், 2,346 இடைநிலை ஆசிரியர்கள் ஜூலை மாதத்தில் பணியமர்த்தப்பட உள்ளனர். தர்மபுரி உட்பட காலி பணியி-டங்கள் அதிகமுள்ள, வட மாவட்டங்களில் ஆசிரியர்கள் அதிகப்-படியாக நியமிக்கப்பட உள்ளனர்.

போக்சோ வழக்குப்பதிவு செய்யப்பட்டு, குற்றம் நிரூபிக்கப்பட்ட ஆசிரியர்களை பணி நீக்கம் செய்துள்ளோம். குற்றம் நிரூபிக்கப்ப-டாமல், மீண்டும் பணியில் சேர்ந்த ஆசிரியர்கள் உள்ளனர். பொய்யான புகார்கள் வருவதால், அதை தவறாக பயன்படுத்தி விடக்கூடாது என்பதற்காக, முழுமையாக கண்காணிக்கப்பட்டு வருகிறது. இதன் காரணமாக, நல்ல ஆசிரியர்களும் மன வேத-னைக்கு ஆளாகி, தற்கொலை செய்து கொள்கின்றனர்.

போக்சோ உள்ளிட்ட குற்றங்கள் குறித்து உண்மை கண்டறியப்-பட்டால், கருணை மற்றும் பாரபட்ச மின்றி ஆசிரியர்கள் மீது கடும் நடவடிக்கை எடுக்கப்படும். தர்மபுரி மாவட்டம், இலக்கி-யம்பட்டி அரசு பள்ளியில் ஆசிரியர்கள் மோதல் குறித்து, மாவட்ட கல்வித்துறை அதிகாரிகளை விசாரிக்க உத்தரவிடப்பட்-டுள்ளது. இவ்வாறு கூறினார்.

மாவட்ட கலெக்டர் சதீஷ், சி.இ.ஓ., ஜோதிசந்திரா, செந்தில் கல்வி குழுமங்களின் செயலாளர் தனசேகர் உட்பட பலர் உடனி-ருந்தனர்.