கிருஷ்ணகிரி: கிருஷ்ணகிரி மாவட்ட வேளாண் இணை இயக்குனர் பச்சையப்பன் வெளியிட்டுள்ள அறிக்கை:கிருஷ்ணகிரி மாவட்ட விவசாயிகள் நடப்பு ஆண்டில் நவரை பருவத்தில் பரவலாக நெல் சாகுபடி மேற்கொண்டுள்ளனர். பருவகால மாற்றங்கள், பூச்சி நோய் தாக்குதல்கள் அல்லது இயற்கை இடர்பாடுகளால் நெல்லில் மகசூல் குறைவு ஏற்படும் போது, விவசாயிகள் பாதிக்காமல் இருக்க, பயிர் காப்பீடு மிகவும் அவசியம். நெல் ஒரு ஏக்கருக்கு காப்பீடு செய்ய, 557 ரூபாய் மட்டுமே. கடன் பெறும் விவசாயிகள், கடன்பெறா விவசாயிகள், குத்தகை விவசாயிகள் என அனைவரும், பயன்பெறலாம். இந்த திட்டத்தை செயல்படுத்தும் பஜாஜ் அலையன்ஸ் ஜெனரல் இன்சூரன்ஸ் நிறுவனம் மற்றும் மக்கள் கணினி மையம் மூலம் வரும், 31க்குள் பயிர் காப்பீடு செய்யலாம்.