தர்மபுரிக்கு பெருமை சேர்ந்து வந்த மல்லிகார்ஜூனேஸ்வரர் கோவில் தேரோட்டத்தை நடத்தும் வகையில், சேதமான தேரை சீரமைக்கும் பணி துவங்கி நடந்து வருகிறது. இப்பணிக்காக, ஹிந்து சமய அறநிலையத்துறை சார்பில், 6 லட்சம் ரூபாய் நிதி ஒதுக்கி உள்ளனர். செலவு அதிகரிக்கும் பட்சத்தில், கோட்டை பர-வாசுதேவ சுவாமி கோயில் லட்டு பிரசாத குழுவினர் ஏற்றுக் கொள்வதாக தெரிவித்துள்ளனர். தேர் அமைக்கும் பணியில் தொழிலாளர்கள் தீவிரமாக ஈடுபட்டு வருகின்றனர். பழைய தேரில் இருந்த மரசிற்பங்கள் பாதுகாப்பாக அகற்றப்பட்டு, புதிய தேரில் பழமை மாறாமல் பொருத்தப்பட்டு வருகிறது.