தர்மபுரி மாவட்டத்தில், இந்தாண்டு மார்கழி மாதத்தில் இருந்து குறைவான பனிபொழிவு நிலவியது. ஒருசில நாட்களில் மட்டும் அதிகளவில் மூடுபனி இருந்தது. நேற்று, தர்மபுரி, தடங்கம், ஒடசல்பட்டி, பொம்மிடி, உள்ளிட்ட பகுதிகளில் அதிகாலையில் தொடங்கி காலை, 8:00 மணி வரை கடுமையான பனிபொழிவு காணப்பட்டது. இதனால், சேலம் - பெங்களூரு தேசிய நெடுஞ்சாலையில், வாகன ஓட்டிகள் வாகனத்தை குறைந்த வேகத்தில் இயக்கினர். மேலும், முன்னாள் செல்லும் வாகனங்கள் தெரியாததால், வாகனத்தின் முகப்பு விளக்குகளை எரியவிட்டபடி சென்றனர்.