பூஜை பொருள் விற்பனை ஜோர்

பாப்பிரெட்டிப்பட்டி, நவ. 1---கேதார கவுரி நோன்பன்று, சுமங்கலி பெண்கள் தங்களது கணவருக்கு நீண்ட ஆயுள் வேண்டியும், குடும்பம் செல்வ செழிப்போடு இருக்கவும், கன்னி பெண்கள் தங்களுக்கு நல்ல கணவர் அமைய வேண்டியும், நோன்பு விரதத்தை மேற்கொள்கின்றனர். அதன்படி, கேதார கவுரி நோன்பான நேற்று, பாப்பிரெட்டிப்பட்டி, பொம்மிடி, கடத்துார் பகுதியில் கடைகளில், நோன்பு கயிறு, தாலி கயிறு, மஞ்சள், குங்குமம், வளையல், கட்டை சீப்பு, வாழை இலை, பழ வகை, புதிய பானை உள்ளிட்ட பூஜை பொருட்களை வாங்க மக்கள் குவிந்தனர். இதனால், அப்பகுதியிலுள்ள பூஜை பொருட்கள், பழ விற்பனை கடைகளில் நேற்று வியாபாரம் களை கட்டியது.