அங்கு வந்த பணி தள பொறுப்பாளர், மொபைல்போனில் ஆன்லைன் வழியாக மக்களின் வருகை பதிவேட்டை அப்டேட் செய்தார். சர்வர் பிரச்னையால் காலை, 10:30 மணி வரை, 11 பேருக்கு மட்டுமே வருகை பதிவேடு அப்டேட் செய்ய முடிந்ததால், மற்றவர்களுக்கு வேலையில்லை என அவர் கூறியுள்ளார். ஆத்திரமடைந்த கிராம மக்கள், 50 க்கும் மேற்பட்டோர், சந்தனப்பள்ளி பஞ்., அலுவலகத்தை நேற்று காலை, 10:30 மணிக்கு முற்றுகையிட்டு, அய்யூர் சாலையில் அமர்ந்து மறியலில் ஈடுபட்டனர். கெலமங்கலம் துணை பி.டி.ஓ., முருகன், சந்தனப்பள்ளி பஞ்., செயலர் மஞ்சுநாத் மற்றும் தேன்கனிக்கோட்டை போலீசார் பேச்சுவார்த்தை நடத்தி, அனைவருக்கும் வேலை வழங்குவதாக உறுதி அளித்ததால் மறியல் கைவிடப்பட்டது.