முதல்தாள் தேர்வு எழுத, 1,714 பேர் விண்ணப்பித்திருந்தனர். நேற்று நடந்த தேர்வில், 1,684 பங்கேற்று தேர்வு எழுதினர். 30 பேர் தேர்வில் பங்கேற்கவில்லை. இன்று, தர்மபுரி அவ்வையார் அரசு பெண்கள் மேல்நிலைப்பள்ளி, பழைய தர்மபுரி அரசு மேல்-நிலைப்பள்ளி, இலக்கியம்பட்டி அரசு ஆண்கள் மேல்நிலைப்-பள்ளி என மொத்தம், 21 தேர்வு மையங்களில் ஆசிரியர் தகுதி தேர்விற்கான, 2ம் தாள் தேர்வு நடக்கிறது.இத்தேர்வு எழுத மொத்தம், 5,678 பேர் தேர்வு எழுத உள்-ளனர். தேர்வு மையங்கள் வழியாக வந்து செல்லும் அனைத்து பஸ்களும் தேர்வு மையம் முன் நின்று செல்ல, மாவட்ட நிர்-வாகம் நடவடிக்கை எடுத்துள்ளது.

* கிருஷ்ணகிரி மாவட்டத்தில், கிருஷ்ணகிரி, காவேரிப்பட்-டணம் பகுதிகளில், அரசு மற்றும் தனியார் பள்ளிகளை சேர்ந்த, 7 மையங்களில் தேர்வு நடந்தது. நேற்று நடந்த இடைநிலை ஆசி-ரியர் பணிக்கான முதல்தாள் தேர்வுக்கு, 2,118 பேர் விண்ணப்பித்-திருந்த நிலையில், 2,049 பேர் தேர்வெழுதினர், 69 பேர் தேர்வு எழுதவில்லை. தேர்வு எழுத வருபவர்கள் தேர்வு அறைக்குள் பெல்ட், ஷூ, ஹை ஹீல்ஸ், டிஜிட்டல் வாட்ச் அணியவும், மொபைல், மைக்ரோபோன் உள்ளிட்ட எலக்ட்ரானிக் பொருட்-களை பயன்படுத்தவும் ஆசிரியர் தேர்வு வாரியம் தடை விதித்தது. இன்று (5ம் தேதி) பட்டதாரி ஆசிரியர் பணிக்கான 2ம் தாள் தேர்வு நடக்கிறது.