பட்டிவீரன்பட்டியை சேர்ந்தவர் எழில்மாறன். சித்தரேவு ஊராட்சி துணைத் தலைவராக உள்ளார்.

எழில் மாறன் தனது வீட்டில் நிறுத்தி வைத்திருந்த விலை உயர்ந்த டூவீலரை மர்ம நபர்கள் திருடி சென்றனர். பட்டிவீரன்பட்டி போலீஸ் விசாரணையில் தன்னை பிரிந்து சென்ற கணவர் எழில் மாறன் விலை உயர்ந்த டூவீலரில் ஜாலியாக ஊர் சுற்றுவதை பொறுத்து கொள்ளாத மனைவி ஜெயலட்சுமி, உறவினர்கள் உதவியுடன் டூவீலரை திருடியது தெரிந்தது.

இதையடுத்து தேனி மாவட்டம் ஆண்டிபட்டியில் மறைத்து வைக்கப்பட்டிருந்த எழில் மாறனின் டூ வீலரை கைப்பற்றிய போலீசார் திருட்டில் தொடர்புடைய பாலயோகி, பிரகாஷ், காயத்ரி ஆகிய மூன்று பேரை கைது செய்தனர். ஜெயலட்சுமியை தேடி வருகின்றனர்.