திண்டுக்கல் அருகே உள்ள சிறுமலையை மேம்படுத்தும் வகையில் வனத்துறை பல்வேறு பணிகளை செய்து வருகிறது. இங்கு மழை நேரங்களில் பாறைகள் ரோட்டில் உருண்டு விழுவது,ரோட்டோரங்களில் மண் சரிவுகள் ஏற்படுவது தொடர்கிறது. நேற்று முன்தினம் 7 வது கொண்டை ஊசி வளைவு பகுதியில் ராட்சத பாறை ரோட்டில் விழுந்தது.

பாறை சரிவு, மண் சரிவால் அசம்பாவிதங்கள் ஏற்படுவதை தடுக்க வனத்துறை மூலம் 4 பேர் கண்காணிப்பு பணியில் ஈடுபட்டுள்ளனர். சிறுமலை, பழையூர், தென்மலை, சிறுமலை செல்லும் 18 கொண்டை ஊசி வளைவுகள் பகுதியிலும் ஆய்வு செய்து வனத்துறைக்கு தகவல் தெரிவிப்பார்கள்.