ஆனால், வெட்டப்பட்ட மரங்களுக்கு பதில் குறைந்த அளவில் மரக்கன்றுகள் மறுநடவு செய்யப்பட்டது. முன்பு, இம்மரக்கன்றுகளுக்கு டிராக்டர்கள் வாயிலாக தண்ணீர் விட்டு, மரக்கன்றுகளை சுற்றிலும், தடுப்புகள் அமைக்கப்பட்டன.

தற்போது மரக்கன்றுகள் பராமரிப்பை, அதிகாரிகள் கண்டுகொள்வதில்லை. மரங்களில் ஆணியடித்து விளம்பர பலகைகள் மாட்டுவது அதிகரித்துள்ளது. இதனால் மரங்கள் நோய்த்தாக்குதலுக்கு ஆளாகி கருகி விடுகின்றன.

மேலும் ரோட்டின் இருபுறங்களிலும் குப்பையை குவித்து தீ வைத்து எரிக்கின்றனர். வெப்பத்தால் மரங்கள் கருகுவது ஆண்டுதோறும் அதிகரித்து வருகிறது.

குறிப்பாக, திண்டுக்கல் - திருச்சி ரோடு, மதுரை, கரூர் உள்பட பல்வேறு பிரதான ரோட்டோரங்களில் குப்பைகளை வைத்து எரிக்கப்படுவதால் மரங்கள் அதிகளவில் காணாமல் போகின்றன.

சில ரோடுகளில் மரங்கள் இருந்த சுவடே இல்லாமல் அழிந்து வருகிறது.ரோட்டோர மரங்களை பாதுகாக்கவும் புதிதாக மரக்கன்று நடவு செய்யவும் நடவடிக்கை எடுக்க வேண்டும் என, இயற்கை ஆர்வலர்கள் வலியுறுத்தியுள்ளனர்.