திண்டுக்கல்லில் அவர் கூறியதாவது: சட்டசபை கூட்ட தொடரில் ஒரே நாடு, ஒரே தேர்தல் , பாராளுமன்ற தொகுதி வரையறை எதிர்த்து தமிழக அரசு தீர்மானம் நிறைவேற்றி உள்ளது. ஒரே நாடு ஒரே தேர்தல் என்பது மிகப் பெரிய செலவை குறைக்கும். ஆண்டு முழுவதும் தேர்தல் நடைபெற்று வருவதால் அரசியல் கட்சிகள் மக்கள் நலனின் மீது அக்கறை கொள்ளாமல் தேர்தல் ஒன்றையே குறிக்கோளாக வைத்து ஆட்சி நடத்தி வருகிறது .இதனால் மக்கள் வரிப்பணம் வீணாவது மட்டுமில்லாமல் மக்களுக்கு எந்த நலத்திட்டங்களையும் செய்ய முடியவில்லை. சட்ட விரோத பணம் பரிமாற்றம், தேச விரோத செயல்களில் ஈடுபடுவோரை என்.ஐ.ஏ., கண்காணித்து வருகிறது. அதன்படிதான் நாம் தமிழர் கட்சி நிர்வாகிகள் மீது என்.ஐ.ஏ., விசாரணையை தொடங்கி உள்ளது. அவர்கள் தேசபக்தர்கள் என்றால் விசாரணையில் நிரூபித்துக் காட்டட்டும்.

ம.தி.மு.க., பொதுச்செயலாளர் வைகோ மட்டுமே நல்ல சூழ்நிலையில் தவறான முடிவு எடுப்பார்.அதையே அவரது மகன் துரை செய்து வருகிறார். தமிழகத்தை பொறுத்தவரை ஹிந்துக்களுக்கு விரோதமான கட்சி தி.மு.க., மட்டுமே. அவர்களது அமைச்சர்கள் அனைவரும் சனாதனத்தை ஒழிப்போம் என ஹிந்து மதக் கொள்கைகளை விமர்சித்து ஹிந்துக்களுக்கு எதிராக நடந்து கொள்கிறார்கள்.

ஆனால் அ.தி.மு.க., ஒரு பொழுதும் இவ்வாறு செய்ததில்லை .அரசியல் எதிரி தமிழகத்தில் எங்களுக்கு தி.மு.க., மட்டுமே. அதனை வீழ்த்துவது தான் எங்களது இலக்கு என்றார்.