டாஸ்மாக் ஊழலுக்கு எதிராக தமிழகம் முழுவதும் பா.ஜ.,வினர் போராட்டம் நடத்தி வருகின்றனர். அதன் தொடர்ச்சியாக திண்டுக்கல் கொட்டப்பட்டி பிரிவு பகுதி டாஸ்மாக் கடையில் பா.ஜ., மகளிர் அணி மாவட்ட துணை தலைவர்கள் மல்லிகா, உமா மகேஸ்வரி தலைமையில் கட்சியினர் முதல்வர் ஸ்டாலின் படத்தை ஒட்டினர். தகாத வார்த்தையில் பேசியது, அரசு அலுவலர்களை பணி செய்யவிடாமல் தடுத்தது உள்ளிட்ட 4 பிரிவுகளின் கீழ் வழக்குப்பதிந்த தாலுகா போலீசார் மல்லிகா, உமாமகேஸ்வரி இருவரையும் கைது செய்தனர்.

இதையறிந்த பா.ஜ., மாவட்ட தலைவர் முத்துராமலிங்கம் தலைமையில் 50 க்கு மேலான கட்சியினர் மகளிர் அணியினரை விடுதலை செய்யக்கோரி தாலுகா போலீஸ் ஸ்டேஷனை முற்றுகையிட்டு போராட்டம் செய்தனர். போலீசார் பேச்சுவார்த்தை பின் போராட்டம் கைவிடப்பட்டது.