கோபால்பட்டி பகுதியை சுற்றிய இறைச்சி கடைகளில் உணவு பாதுகாப்புத்துறை மாவட்ட நியமன அலுவலர் கலைவாணி தலைமையில்,உணவு பாதுகாப்பு அலுவலர்கள் வசந்தகுமார், ஜஸ்டின் திடீர் சோதனை நடத்தினர். சோதனையில் கெட்டுப்போன 15 கிலோ ஆடு, கோழி இறைச்சி பறிமுதல் செய்யப்பட்டு அழிக்கப்பட்டது.

3 கடைகளுக்கு நோட்டீஸ் கொடுக்கப்பட்டு தலா ஆயிரம் அபராதம் விதிக்கப்பட்டது. பாறைப்பட்டியில் ஹக்கீம் என்பவர் மளிகை கடையில் இருந்த தடை புகையிலைப் பொருட்களையும் பறிமுதல் செய்தனர். கடை உரிமையாளருக்கு ரூ 25,000 அபராதம் விதித்தனர்.