UPDATED : அக் 09, 2026 05:07 AM
ADDED : அக் 08, 2026 08:54 PM

திண்டுக்கல்: தமிழகத்தில் அரசு மருத்துவக் கல்லுாரி மருத்துவமனைகள், அரசு மருத்துவமனைகளில் டாக்டர் பணியிடங்களை பணிநிரவல் செய்து 113வது அரசாணை வெளியிட்டு அதனை அரசு அமல்படுத்தியுள்ளது.
இந்த அரசாணையை மறுஆய்வு செய்து திருத்தம் செய்ய வேண்டும், டாக்டர் பணியிடங்களை உயர்த்த வேண்டும், தாய் சேய் நல ஒருங்கிணைந்த சிகிச்சை மையங்களில் கூடுதல் டாக்டர்களை பணி அமர்த்த வேண்டும் என்பன உள்ளிட்ட கோரிக்கைகளை வலியுறுத்தி அரசு டாக்டர்கள் சங்கத்தினர் நேற்று கறுப்பு பேட்ஜ் அணிந்து பணிபுரிந்தனர்.
தமிழ்நாடு அரசு டாக்டர்கள் சங்கத்தின் மாநிலத் தலைவர் சீனிவாசன், மாவட்ட தலைவர் திருலோகச்சந்திரன், டாக்டர் நாகராஜன் ஆகியோர் அறிவுறுத்தலில் திண்டுக்கல் அரசு மருத்துவக் கல்லுாரி மருத்துவமனையில் டாக்டர்கள் கறுப்பு பேட்ஜ் அணிந்து பணிபுரிந்து தங்களது எதிர்ப்பை தெரிவித்தனர்.
