நத்தம் ராக்காச்சிபுரத்தை சேர்ந்தவர் மாணிக்கம் 50. வேலம்பட்டி பகுதியில் உள்ள கந்தசாமி நகரில் ரெடிமேட் ஆடைகள் தயாரிப்பு நிறுவனம் நடத்திவருகிறார்.

40 -க்கும் மேற்பட்ட தொழிலாளர்கள் வேலை பார்க்கின்றனர். இங்கு நேற்று அதிகாலை 3:15 மணிக்கு திடீர் தீ விபத்து ஏற்பட்டது. நத்தம் தீயணைப்பு நிலைய அலுவலர் விவேகானந்தன், உதவி அலுவலர் அம்சராஜன் தலைமையில் வீரர்கள் 2 மணி நேரம் போராடி தீயை அணைத்தனர். தையல் மிஷின்கள், கம்ப்யூட்டர்கள், தயார் செய்யப்பட்டு வைக்கப்பட்டிருந்த ஆடைகள் எரிந்தன. யாரும் தங்காததால் உயிர்சேதம் தவிர்க்கப்பட்டது. தீ விபத்துக்கான காரணம் குறித்து நத்தம் இன்ஸ்பெக்டர் தங்க முனியசாமி விசாரிக்கிறார்.