இங்கு ஆண்டுதோறும் மாசித்திருவிழா வெகு விமரிசையாக நடைபெறுவது வழக்கம். அதன்படி இந்தாண்டு மாசித்திருவிழா பிப். 8ம் தேதி தொடங்குகிறது. இதையொட்டி மாசித்திருவிழாவின் முதல் நிகழ்ச்சியாக நேற்று முகூர்த்த கால் ஊன்றுதல் நடைபெற்றது.

இதையொட்டி காலை 9:00 மணிக்கு விநாயகர் வழிபாடு, கோட்டை மாரியம்மனுக்கு பால், பழம், பன்னீர் உள்பட 16 வகையான பொருட்களால் சிறப்பு அபிஷேகம், பூஜைகள் நடைபெற்றது.

முகூர்த்த காலுக்கு சிறப்பு பூஜை, தீபாராதனை செய்ய ஊன்றப்பட்டது. கோயில் பரம்பரை அறங்காவலர்கள் உட்பட பலர் கலந்து கொண்டனர்.