இதுகுறித்து திண்டுக்கல்லில் சங்க மாநில துணைத்தலைவர் விஜய் கூறியதாவது: தற்போது பிளஸ் 2 பொதுத்தேர்வில் 3 மணி நேரம் எழுதுவதற்கும், 10 நிமிடங்கள் வாசிப்பிற்கும், 5 நிமிடங்கள் பூர்த்தி செய்வதற்கும் என 3:15 மணி நேரம் கொடுக்கப்பட்டு உள்ளது. இதனால் மாணவர்கள், ஆசிரியர்களுக்கு பல்வேறு இன்னல்கள் ஏற்படுகின்றன.

மொழிப்பாடத்தேர்வுகள் 90 மதிப்பெண்களுக்கும், செய்முறை விளக்கம் உள்ள பாடங்களான விலங்கியல், இயற்பியல், வேதியியல் உள்ளிட்ட பாடங்கள் 70 மதிப்பெண்களுக்கும் மாணவர்கள் பொதுத்தேர்வு எழுதுகின்றனர். தேர்வு 3:15 மணி நேரம் என்பது அதிகமாக உள்ளது. நீண்ட நேரம் அறையில் காத்திருப்பில் சிரமத்திற்குள்ளாகின்றனர்.

வரும் காலங்களில் 2:30 மணி நேரம் தேர்வு எழுதுவதற்கும், 10 நிமிடங்கள் வாசிப்பிற்கும், 5 நிமிடங்கள் பூர்த்தி செய்ய என 2:45 மணி நேரம் என மாற்றினால் இதுபோன்ற சிரமங்கள் தவிர்க்கப்படும் என்றார்.