மேலும் சில ஊராட்சிகளில் இறப்பு, பணி ஓய்வு உள்ளிட்ட காரணங்களால், செயலர் பணியிடங்கள் காலியாக உள்ளன. கடந்த 2 ஆண்டுகளுக்கு மேலாக, காலியிடங்கள் எண்ணிக்கை அதிகரித்து வருகிறது. நிர்வகிக்கும் பணி, கூடுதல் பொறுப்பாக பிற ஊராட்சி செயலர்களிடம் ஒப்படைக்கப்பட்டு உள்ளது. நாளுக்கு நாள் வழக்கமான பணிகளுடன் பல்வேறு திட்ட, மாவட்ட அதிகாரிகள் ஒதுக்கீடு செய்யும் பணிகள், வழக்குகள் தொடர்பான பணிகள் என சுமை அதிகரித்து வருகிறது.

அலட்சியம் கிராமசபை நாட்களில் ஒன்றிற்கு மேற்பட்ட ஊராட்சிகளில் (பொறுப்பு ஊராட்சிகள் உள்பட) ஏற்பாடுகளை கவனிக்க முடியாமல் திணறி வருகின்றனர். இதுபோன்ற காரணங்களைக் கூறி, எங்கும் செல்லாமல் சொந்த வேலைகளில் ஈடுபடுவோரும் உண்டு. அதிகாரிகள் இருப்பிடத்தை மாற்றி தகவல் தெரிவிப்பதுடன், பணிகளை கண்காணிப்பதில் அலட்சியப்போக்கு புகார்களும் தொடர்கின்றன.

தஞ்சம் அடைந்த ஆவணங்கள் பெரும்பாலான ஊராட்சி அலுவலகங்கள் சரிவர திறக்கப்படாமல், உள்ளாட்சி பிரதிநிதிகளின் வீடுகளில் நிர்வாக ஆவணங்கள், ஊராட்சி தளவாடங்கள் தஞ்சம் புகுந்த அவலங்களும் அதிகரித்து வருகிறது. சான்றிதழ் உள்ளிட்ட பணிகளுக்காக அலுவலகத்திற்கு வரும் பொது மக்கள், அலைக்கழிப்பிற்கு உள்ளாகி வருவது தொடர்கிறது. மாவட்ட நிர்வாகம், காலியாக உள்ள ஊராட்சிச் செயலர் பணியிடங்களை நிரப்புவதன் மூலம் இப்பிரச்னைகளை குறைக்க முடியும்.---