கொடைக்கானலில் ஒரு வாரத்திற்கு முன்பே ஆக்கிரமிப்புகள் அகற்றுவது குறித்து நெடுஞ்சாலைத்துறையினர் ஒலிபெருக்கிகள் மூலம் அறிவிப்பு செய்தனர். ஆக்கிரமிப்பாளர்கள் தானாக முன்வந்து ஆக்கிரமிப்புகளை அகற்றிய போதும் நெடுஞ்சாலைத்துறையினர் அளவீடு செய்து ரோட்டோரங்களில் இருந்த ஆக்கிரமிப்புகளை அகற்றினர். தொடர்ச்சியாக துறை ரீதியாக அளவீடு செய்து ஆக்கிரமிப்புகள் அகற்றவும் அதிகாரிகள் முடிவு செய்துள்ளனர்.

ஆர்.டி.ஓ., சிவராம் கூறியதாவது: முதற்கட்டமாக நெடுஞ்சாலை ரோட்டோர ஆக்கிரமிப்புகள் அகற்றப்படுகிறது. இப்பணிகள் தொடர்ந்து நடைபெறும். நிரந்தர கட்டுமானங்கள் ஏற்படுத்தியுள்ளவர்களுக்கு நோட்டீஸ் வழங்கப்பட்டு ஆக்கிரமிப்புகள் அகற்றப்படும். நீதிமன்ற வழிகாட்டுதல்படி ஆக்கிரமிப்புகள் பாரபட்சம் இன்றி அகற்ற தேவையான நடவடிக்கை எடுக்கப்படும் என்றார்.

நெடுஞ்சாலைத்துறை அதிகாரி ஒருவர் கூறியதாவது: போக்குவரத்து நெரிசலுக்கு தீர்வு காணும் வகையில் ஆக்கிரமிப்பு அகற்றம் செய்யப்படுகிறது. இப்பணி முடிவற்ற பின் நெரிசலை கட்டுப்படுத்தும் யுத்திகள் குறித்து ஆய்வு செய்யப்பட்டு ரோடு விரிவாக்க பணி நடக்கும் என்றார்.