இப்போட்டியில் 27 மாவட்டங்களில் இருந்து 500க்கு மேற்பட்ட மாணவர்கள் கலந்து கொண்டனர். திண்டுக்கல் மாவட்டத்திலிருந்து பயிற்சியாளர் ஜாக்கி சங்கர் தலைமையில் 25 மாணவர்கள் கலந்துகொண்டு 12 தங்கம்,16 வெள்ளி, 9 வெண்கல பதக்கங்களை வென்று சாம்பியன்ஷிப் பெற்றனர்.

தலா இரண்டு தங்கப்பதக்கம் , ஒரு வெள்ளி பதக்கம் பெற்ற ரேஷ்மி, ஸ்ரீலதா, கங்கா வர்ஷினி, ராகவி , தீரா ஆகியோர், டிச. 1 முதல் 6 வரை பஞ்சாப் மாநிலம் படியாலாவில் நடைபெறும் 24வது சப்-ஜூனியர் தேசிய வூசு சாம்பியன்ஷிப் போட்டிக்கு தேர்வாகியுள்ளனர்.

மாநிலப் போட்டியில் பதக்கம் பெற்றவர்களுக்கும், தேசிய போட்டிக்கு தேர்வானவர்களுக்கும் திண்டுக்கல் மாவட்ட வூசு சங்கத்தின் தலைவர் மணிகண்டன், துணைத் தலைவர் கவுதம், சங்க செயலாளர் சண்முகம் வாழ்த்து தெரிவித்தனர்.