தடை புகையிலை பொருட்கள் விற்பனையை தடுக்க ,பறி முதல் செய்து அபராதம் விதிக்க உணவுப் பாதுகாப்புத் துறை, போலீசார் இணைந்து நடவடிக்கை எடுத்தாலும் புகையிலை பொருட்கள் தங்கு தடையின்றி அனைத்து பகுதிகளிலும் கிடைக்கின்றன. மாவட்டத்தில் ஓராண்டுகளில் புகையிலை பொருட்கள் விற்பனைக்கு எதிராக நுாற்றுக்கு மேற்பட்ட வழக்குகள் பதிவு செய்யப்பட்டு, தடை புகையிலை பொருட்கள் பறிமுதல் செய்யப்பட்டுள்ளது. சில்லரை விற்பனையாளர்களுக்கு அபராதம் விதிப்பது, வழக்கு போடுவது என கணக்கு காட்டும் அதிகாரிகள் இவற்றின் மொத்த விற்பனையாளர்களை கண்டுகொள்வதில்லை. இதனால் விற்பனை ஜோராக நடைபெறுகிறது.