மாவட்டத்தில் ரசாயன உரங்களைப் பயன்படுத்துவதால் நிலத்தின் மண்வளம் பாதிக்கப்பட்டு மண் மலடாகிறது. மண்ணில் போதிய சத்துகள் இல்லாததால் பயிர்களில் பூச்சி, நோய் தாக்குதல் அதிகரிக்கிறது. நோய் தாக்கத்தை குறைக்க துாவப்படும் ரசாயன உரங்களால் சுற்றுச்சூழல் பாதிக்கப்படுகிறது. பூச்சிகளை விரட்ட பயிர்களில் தெளிக்கப்படும் பூச்சிக்கொல்லிகள் பயிர்களில் நீண்ட நாட்களுக்கு நீடித்திருப்பதால் அதை சாப்பிடும் மனிதர்களின் உடல் நலனும் பாதிக்கிறது. பயிர் சுழற்சி நடைமுறையை பெரும்பாலான விவசாயிகள் கைவிட்டு ஒற்றை பயிரான நெல் ,வாழையை தொடர்ந்து சாகுபடி செய்வதால் மண்வளம் பாதிக்கப் படுவதோடு பயறு வகைகள், எண்ணெய் வித்து பயிர்களின் சாகுபடி பரப்பு குறைந்து வருகிறது.