மாவட்டத்தில் சிறுமலை, கொடைக்கானல், நத்தம், கன்னிவாடி, அய்யலுார், வேடசந்துார் உள்ளிட்ட பல்வேறு பகுதிகளில் அதிக வனப்பதிகள் உள்ளன. இங்கு யானை, காட்டு மாடுகள், சிறுத்தைகள் உள்ளிட்ட பல்வேறு வகையான வனவிலங்குகள் வாழ்கின்றன. இவைகள் மழை நேரத்தில் காட்டு பகுதிகளை விட்டு வெளியேறாமல் கிடைக்கும் தண்ணீரை குடித்து விட்டு அங்கேயே வசிக்கின்றன. வனத்துறை சார்பில் ஆறுகள், குளங்கள், தண்ணீர் ஆதாரங்கள் இல்லாமல் இருக்கும் பகுதிகளில் வனவிலங்குகள் தண்ணீர் குடிப்பதற்காக தண்ணீர் தொட்டிகள் அமைக்கப்பட்டது. இந்த தண்ணீர் தொட்டிகளில் அடிக்கடி வனத்துறை அதிகாரிகள் கண்காணித்து தண்ணீர் நிரப்ப வேண்டும் . இதை வனத்துறை முறையாக கண்காணிக்காததால் வனவிலங்குகள் அடிவாரத்திற்கு படையெடுக்கின்றன. தற்போது கோடை காலம் தொடங்கிய நிலையில் வெயிலை தாங்க முடியாது வன விலங்குகள் தவிக்கும் நிலை ஏற்பட்டுள்ளது.